વડોદરામાં નાયબ પોલીસ કમિશનર દ્વારા પ્રોહિબિટેડ પ્રવૃત્તિઓને ડામવા માટે કામગીરી કરવાનો આદેશ આપવામાં આવેલ હોય જે દરમિયાન વડોદરા ગોત્રી પોલીસ સ્ટેશનના જવાનો પેટ્રોલિંગમાં હોય તે સમયે લોકલ ક્રાઈમ બ્રાંચની ટીમ દ્વારા તપાસ કરવામાં આવતા ટેમ્પોમાં ભંગાર બોટલોની આડમાં ભારતીય બનાવટના વિદેશી દારૂની હેરાફેરી કરતા બે શખ્સોને ગોત્રી પોલીસ સ્ટેશનના પોલીસે રંગે હાથે ઝડપી પાડયા છે.
વડોદરા નાયબ પોલીસ કમિશનર જયરાજસિંહ વાળાના સીધા માર્ગદર્શન હેઠળ વડોદરામાં બનતી દારૂની હેરાફેરીને ડામવા માટે એક ટીમને કાર્યરત કરવામાં આવી હતી જે દરમિયાન ચોક્કસ બાતમીના આધારે એક ટ્રકને રોકવામાં આવી હતી. જેમાં ભારતીય બનાવટના વિદેશી દારૂની બોટલ હોય આ ચોક્કસ બાતમીને અનુસરીને લોકલ ક્રાઇમ બ્રાન્ચે તપાસ હાથ ધરેલ હોય, પેટ્રોલીંગના સમય દરમિયાન બાતમીદારના વર્ણન અનુસાર આઈસર ટેમ્પો પસાર થતા ટેમ્પાની તલાશી લેવામાં આવતા ભંગારની બોટલોની આડમાં વિદેશી દારૂની હેરાફેરી થતી હોય આથી આ આઈસર ટેમ્પોને રોકીને બંને આરોપીઓને ઝડપી લઈને લોકલ ક્રાઈમ બ્રાંચની ટીમે ગુનો નોંધી કાયદેસરની કાર્યવાહી હાથ ધરી છે.
