ભરૂચ જિલ્લાના નબીપુર ખાતે આવેલ નબીપુર સાર્વજનિક ટ્રસ્ટ હોસ્પિટલ ખાતે મોહસીને આઝમ મિશન નબીપુરના સહયોગથી વડોદરા જિલ્લાના લીમડા ગામ ખાતે આવેલ પારૂલ આયુર્વેદિક હોસ્પિરલ દ્વારા નિ:શુલ્ક આરોગ્ય ચકાસણી શિબિર યોજાઇ હતી. આયોજિત આરોગ્ય ચકાસણી શિબિરમાં પંચકર્મ, સ્ત્રી રોગો, બાળરોગો, આંખના રોગો અને સર્જરી માટેની સગવડો ઉપલબ્ધ હતી.
શિબિરમાં દાખલ કરાયેલા દર્દીઓને સદર હોસ્પિટલે પહોંચાડવા માટે વિના મુલ્યે બસ સુવિધા અપાઈ હતી તથા દાખલ થયેલા દર્દીઓ માટે વિનામુલ્યે જમવાની વ્યવસ્થા પણ કરાઈ હતી. જે દર્દીઓને લેબોરેટરી ટેસ્ટ હોય, જરૂરિયાતનો દવાઓ હોય તેમને આ વ્યવસ્થા રાહત દરે અપાઈ હતી. આ કેમ્પનો લાભ લેવા માટે જરૂરિયાતમંદોએ સવારથી જ લાંબી કતાર લગાવી હતી. આ કેમ્પને સફળ બનાવવા બદલ પારૂલ આયુર્વેદિક હોસ્પિટલે નબીપુર સાર્વજનીક ટ્રસ્ટ હોસ્પિટલ અને મોહસીને આઝમ મિશનનો આભાર વ્યક્ત કર્યો હતો.
યાકુબ પટેલ, પાલેજ
