ભરૂચ જિલ્લાના ગ્રામીણ વિસ્તારમાં સરકારશ્રીની આરોગ્યની સુવિધાઓમાં મદદરૂપ થવા ગ્રામ વિકાસ ટ્રસ્ટના સ્થાપક ટ્રસ્ટી રમેશભાઇ કાસોન્દ્રા દ્વારા છેવાડાના ગ્રામજનોને આરોગ્ય માટેની તાત્કાલિક સેવાઓ મળી રહે એ માટે રૂ.૧૮ લાખની કિંમતની એમ્બ્યુલન્સ આરોગ્ય શાખા, જિલ્લા પંચાયત- ભરૂચને અર્પણ કરવા જિલ્લા વિકાસ અધિકારી યોગેશ ચૌધરીને ચાવી અર્પણ કરવામાં આવી હતી.
આ વેળાએ જિલ્લા પંચાયતના પ્રમુખ અલ્પાબેન પટેલ, જિલ્લા વિકાસ અધિકારી યોગેશ ચૌધરીને એમ્બ્યુલન્સને લીલી ઝંડી બતાવી પ્રસ્થાન કરાવેલ. આ પ્રસંગે મુખ્ય જિલ્લા આરોગ્ય અધિકારી ડો.જે.એસ.દુલેરા, આગેવાન પદાધિકારીઓ, આરોગ્ય વિભાગના કર્મચારીઓ ઉપસ્થિત રહયા હતા. આ પ્રસંગે જિલ્લા વિકાસ અધિકારી યોગેશ ચૌધરીએ ગ્રામ વિકાસ ટ્રસ્ટની કામગીરીને બિરદાવી છેવાડાના ગ્રામજનોની આરોગ્યની સુવિધાઓ માટે એમ્બ્યુલન્સ ધણી ઉપયોગી નિવડશે તેમ જણાવ્યું હતું.
ગ્રામ વિકાસ ટ્રસ્ટ- ભરૂચ દ્વારા ભરૂચ જિલ્લામાં મહિલાઓ અને બાળકોના શિક્ષણ, આરોગ્ય, આજીવિકા, કોવિડ, રીલીફ જેવી અનેકવિધ પ્રવૃતિઓ સામાજિક ઉત્થાન માટે વર્ષ-૨૦૦૧ થી કાર્યરત છે તેમ સ્થાપક ટ્રસ્ટી રમેશભાઇએ જણાવ્યું હતું.
