સેવાલીયા ખાતે ગેરકાયદેસર નશીલા પદાર્થનું વેચાણ કરતા એક ઇસમને ઝડપી પાડતી એલ.સી.બી. નડીયાદ.

ગળતેશ્વર તાલુકાના સેવાલિયામાંથી 54 હજારના ગાંજા સાથે એક ઇસમની અટકાયત એલ.સી.બી. નડીયાદ એ કરી છે.

એલ.સી.બી. સ્ટાફના પોલીસ અધીકારી/ કર્મચારીઓ નડીયાદ ડિવિઝનમાં પેટ્રોલીંગમાં હતા, દરમ્યાન એલ.સી.બી પી.આઇ એ.વી.પરમાર નાઓને બાતમી હકીકત મળેલ કે સેવાલીયા પો.સ્ટે. વિસ્તારમાં રહેતા રમણભાઇ ભુદરભાઇ પ્રજાપતિ રહે. સેવાલીયા ગામ, તા. ગળતેશ્વર નાઓ પોતાના રહેણાંક મકાનમાં ગેરકાયદેસર રીતે નશીલા પદાર્થ (ગાજો) નું છુટક વેચાણ કરે છે જે બાતમી આધારે સદરી ઇસમના રહેણાંક મકાનમાં જડતી તપાસ કરતા સદરી ઇસમના કબ્જા ભોગવટાના મકાનમાંથી ગેરકાયદેસર ૫.૪૦૦ કિલો ભેજયુક્ત ગાંજો કિં.રૂ. ૫૪૦૦૦/- વજનકાટો તથા વજનીયા કિ.રૂ ૧૫૦૦/- તથા મોબાઇલ ફોન કિ.રૂ. ૫૦૦/- મળી કુલ રૂ. ૫૬,૦૦૦/- મુદ્દામાલ કબજે કર્યો છે.