ખેડા તાલુકાના નાયકા પાસે રસ્તો ક્રોસ કરી રહેલ યુવાનને કારે ટક્કર મારતા મોત નીપજયું.

નડિયાદના ખેડા તાલુકાના નાયકા પાસે માધુપુરામાં રહેતા એક યુવકને કાર ચાલકે ટક્કર મારતા ટૂંકી સારવાર દરમિયાન તેઓનું મોત નિપજ્યું છે.

આ બનાવની મળતી માહિતી અનુસાર મનીષભાઈ ભાવસિંગભાઈ મકવાણા રસ્તો ક્રોસ કરી રહ્યા હોય તે સમયે નાયકા તરફથી આવતી એક ઓલ્ટો કારના ચાલકે તેમને ટક્કર મારતા મનીષભાઈ રોડ પર પટકાયા હતા. આ સમગ્ર ઘટના માધુપુરામાં રહેતા શાંતિભાઈ બાવાભાઈ મકવાણા જેઓ પોતાના ગામની નજીક જ એક કંપનીમાં નોકરી કરતા હોય તેઓએ બપોરના સમયે પોતાને ઘેર જમવા જઈ રહ્યા હોય ત્યારે આ બનાવને નજર સમક્ષ જોતા તાત્કાલિક ધોરણે તેમના ભત્રીજા મનીષભાઈને સારવાર અર્થે હોસ્પિટલમાં ખસેડવામાં આવ્યા પરંતુ ટૂંકી સારવાર દરમિયાન જ મનીષ મકવાણાનું કરૂણ મોત નિપજયુ હોય આથી ખેડા ટાઉન પોલીસ મથકે કારના ચાલક સામે શાંતિભાઈ એ ફરિયાદ નોંધાવી છે.

નરેશ ગનવાણી : નડિયાદ