જામનગર મહાનગરપાલિકા દ્વારા આઠમા તબક્કાનો સેવાસેતુ કેમ્પ યોજાયો.

જામનગર મહાનગરપાલિકા દ્વારા વોર્ડ નંબર 7 થી વોર્ડ નંબર 9 સુધીનો સેવાસેતુ કાર્યક્રમ યોજાયો હતો.

જામનગર મહાનગરપાલિકા દ્વારા આજે 8 મા તબક્કાનો વોર્ડ નંબર 7 થી 9 ટાઉનહોલ ખાતે સેવાસેતુ કાર્યક્રમ યોજાયો હતો. જેમાં તમામ પ્રકારના ડોક્યુમેન્ટ આવકનો દાખલો, નોન ક્રિમિલિયર સર્ટિફિકેટ, રેશન કાર્ડમાં સુધારા, આયુષ્યમાન કાર્ડ, આધારકાર્ડમાં સુધારા સહિતની ૧૬ જેટલી સેવાઓની કામગીરી એક જ સ્થળે સરકાર દ્વારા ઉપલબ્ધ કરવામાં આવી હતી. આ કાર્યક્રમમાં કમિશનર વિજય કુમાર ખરાબા, ડેપ્યુટી કમિશનર એકે વસાણી, ભાજપના આગેવાન ગોપાલભાઈ સોરઠીયા, અરવિંદભાઈ સભાયા વિવિધ શાખાના અધિકારીઓ ઉપસ્થિત રહ્યા હતા. આ સેવા સેતુ કેમ્પનો લાભ બહોળા પ્રમાણમાં લાભાર્થીઓએ લીધો હતો.