ભરૂચ જિલ્લામાં ઉનાળાની ઋતુ દરમિયાન આગ લાગવાના અનેક બનાવો સામે આવ્યા છે, કેટલાક સ્થળે ઉધોગોમાં તો કેટલાક સ્થળે મકાનો અને દુકાનોમાં આગ જેવી ઘટનાએ છેલ્લા ૨ માસથી ફાયરમાં લાશકરોને દોડતા મુક્યા હતા, ત્યારે આજે વધુ એક આગ લાગવાની ઘટના ભરૂચ શહેરમાં બની હતી.
ભરૂચના શક્તિનાથ વિસ્તારમાં આવેલ BSNL ના ગોડાઉનમાં ઝાડી ઝાંખરામાં આગ લાગતા એક સમયે ભારે ધુમાડાના ગોટે ગોટા નજરે પડ્યા હતા,જોકે ઘટના અંગેની જાણ ભરૂચ નગર પાલિકાના ફાયર વિભાગમાં કરવામાં આવતા ફાયરમાં કર્મીઓએ તાત્કાલિક સ્થળ પર પહોંચી આગ પર પાણીનો મારો ચલાવી તેને ગણતરીના સમયમાં કાબુ લેવાતા સ્થાનિકોએ રાહતનો શ્વાસ લીધો હતો.
હારુન પટેલ : ભરૂચ
Advertisement
