ભરૂચ જિલ્લાના ઝધડીયા તાલુકાના ઉમલ્લા ગામના નવા ફળીયામાં અને સુથાર ફળિયામાં છેલ્લા 25 થી 30 દિવસ દરમિયાન કોઈક અજાણ્યા ઈસમો દ્વારા બાઈકમાંથી રાત્રી દરમિયાન પેટ્રોલ ચોરી થવાની ઘટનાઓ સામે આવતા સ્થાનિક રહીશો દ્વારા પોલીસને રાત્રી દરમિયાન પેટ્રોલિંગ વધારવા રજુઆત કરવામાં આવી છે અને વાત કરવામાં આવે તો આ પેટ્રોલ ચોરી કરવાની ઘટના પોલીસ સ્ટેશનની બાજુમાં જ ફળીયામાં રહેતા લોકોના ઘરોમાંથી થઈ છે ત્યારે પોલીસની કામગીરી પર પણ અનેક સવાલો ઉભા થઈ રહ્યા છે.
અત્રે ઉલ્લેખનીય છે કે પોલીસના કર્મચારીઓ અને હોમગાર્ડ રાત્રી દરમિયાન નિંદર માનતા હોઈ તેમ અગાઉ પણ રાત્રી દરમિયાન ઉમલ્લા બજાર સહિત વાઘપુરા બજારમાં અનેક બાઈક ચોરીની ઘટનાઓ થઈ ચુકી છે તેવામાં પેટ્રોલ ચોરી કરવાની ઘટનાઓ સામે આવતા કોઈક ઈસમો ફરી મોટી ચોરીની ઘટનાને અંજામ આપવાની ફિરાકમાં હોઈ જેથી કરી પોલીસ પોતે સતર્ક રહી નાઈટ પેટ્રોલિંગ વધુ કરે તે જરૂરી બની ગયું છે.
