બીઆરસી ભવન માંગરોળ ખાતે આજરોજ તાલુકા પ્રાથમિક શિક્ષણાધિકારી ભુપેન્દ્ર કુમાર મોદીની અધ્યક્ષતામાં માંગરોળ તાલુકાની ખાનગી પ્રાથમિક શાળાના આચાર્યની મીટીંગનું આયોજન કરવામાં આવ્યું. જેમાં યુ ડાયસ ફોર્મ શિક્ષક અને વિદ્યાર્થીઓની નિયમિત ઓનલાઈન હાજરી આરટીઈ ના બાળકોના પ્રવેશ અંગેની ચર્ચા ટીચર પોર્ટલ અપડેશન અને ખાસ કરીને શિક્ષણ વિભાગ ગાંધીનગર દ્વારા શરૂ કરવામાં આવેલી G Shala એપ ખાનગી શાળાના બાળકો ઉપયોગ કરે અને આ એપ તમામ બાળકો ઇન્સ્ટોલ કરે તેની ચર્ચા કરવામાં આવી. વધારેમાં વધારે બાળકો G Shala એપ ઇન્સ્ટોલ કરી તેનો ઉપયોગ કરી શિક્ષણની કઠીન ક્ષમતાઓ સિદ્ધ કરે તે અંગે માર્ગદર્શન આપવામાં આવ્યું. આ મિટિંગમાં તાલુકા પ્રાથમિક શિક્ષણ અધિકારી ભુપેન્દ્ર કુમાર મોદી બીઆરસી કોર્ડીનેટર હીરાભાઈ ભરવાડ અને તાલુકા એમઆઈએસ સંદીપભાઈ પટેલ હાજર રહી વિશેષ માર્ગદર્શન આપેલ હતુ.
વિનોદ મૈસુરિયા : વાંકલ
