ભારતીય હવામાન વિભાગ દ્વારા તા:૦૫-૦૭-૨૦૨૨ થી આગામી ૫ દિવસ માટે વેધર ફોરકાસ્ટ બુલેટીન મુજબ સુરત જિલ્લામાં તા.૦૬/૦૭/૨૦૨૨ થી તા.૦૯/૦૭/૨૦૨૨ સુધી ભારેથી અતિભારે વરસાદ પડવાની સંભાવના છે. જેથી ભારતીય હવામાન વિભાગ દ્વારા સુરત જિલ્લાને ઓરેન્જ એલર્ટ જાહેર કરવામાં આવ્યો છે. જેથી ભારે વરસાદના કારણે જિલ્લાના જળાશયોના લો-લાઇંગ એરીયામાંથી તેમજ અન્ય નિચાણ વાળા વિસ્તારોમાંથી સ્થળાંતર કરવા પાત્ર થતા હોય તેવા વિસ્તારોમાં સ્થળાંતર માટેની પૂર્વ તૈયારી અગાઉથી જ કરવી તથા નદી પટ વિસ્તારમાં તેમજ ડેમની આજુબાજુનો વિસ્તારમાં અવરજવર ન થાય તેની તકેદારી રાખવી. આ ઉપરાંત ઓવરટેપીંગ વાળા રસ્તા પર બેરીકેડીંગ કરવા અને સતર્કતાનાં તમામ પગલાં લેવા જાણ કરવામાં આવે છે. આ દરમ્યાન કોઇ દુર્ઘટના બનાવ બને તો તેની તાત્કાલીક જિલ્લા કલેક્ટર કચેરીના કંટ્રોલરૂમ ખાતે ફોન નં.૦૨૬૧-૨૬૬૩૨૦૦ અથવા ૦૨૬૧-૧૦૭૭ ઉપર જાણ કરવી તેમજ તમામ અધિકારીઓએ હેડ ક્વાર્ટર પર હાજર રહેવા સુરત જિલ્લા કલેકટર અને મેજીસ્ટ્રેટ દ્વારા જણાવાયું છે.
વિનોદ મૈસુરિયા : વાંકલ
