માંગરોલ તાલુકા મઘ્યાહન ભોજન કર્મચારી મંડળના પ્રમુખ મીનાબેન ચીમનભાઈ પરમાર દ્વારા માંગરોલ મામલતદારને આવેદનપત્ર પાઠવવામાં આવ્યું. ગુજરાત રાજય મધ્યાન ભોજન કર્મચારી સંઘ દ્વારા મુખ્યમંત્રીને આવેદન સાથે રજુઆત કરવામાં આવી છે. આવેદનમાં જણાવ્યા મુજબ તારીખ.૧૫/૦૯/૨૦૨૨ સુધી મઘ્યાહન ભોજન કર્મચારીના પ્રશ્નનો યોગ્ય નિરાકરણ ન આવે તો આગામી તારીખ.૧૯/૦૯/૨૦૨૨ ના રોજ ગાંધીનગર મુકામે ધરણા નો કાર્યકમ તેમજ તારીખ,૨૦/૦૯/૨૦૨૨ થી અચોક્કસ મુદત માટે કેન્દ્ર બંધ કરી ધરણામાં તેમજ બંધમાં જોડાશે.
હાલમાં માસીક વેતન ફકત ૧૬૦૦,૧૪૦૦,૫૦૦ અને ૩૦૦ છે જે મશ્કરી સમાન વેતન ચુકવવામાં આવે છે. અન્ય રાજયમાં મઘ્યાહન ભોજનના કર્મચારીઓને વધુ ચુકવવામાં આવે છે. તો મઘ્યાહન ભોજન કર્મચારીના વેતનમાં વધારો કરી સમાન કામ, સમાન વેતન મુજબ લધુતમ વેતન ચુકવવાની માંગ કરવામાં આવી હતી. રાજય સરકાર દ્વારા હાલ બાળકોને પીરસવામાં આવતા ભોજનનાં બે ભાગ કરી નાસ્તો આપવાનું સુચવાયેલ છે પણ એના માટે કોઇપણ પ્રકારનો નાણાકીય બોજ પાડેલ નથી તો આ માટે અમોને અલગથી જથ્થો અને પેશગી મળી રહે તેવી રજુઆત કરી હતી. હાલની મોંધવારી જોતા આટલા ઓછા ખર્ચમા નાસ્તો તથા ભોજન બનાવવો અશકય હોય નાસ્તો તથા ભોજન બનાવવો અશકય હોય નાસ્તા માટે અલગથી જથ્થો તથા પેશગી ચુકવવાની માંગ કરી હતી. છેલ્લા બે વર્ષમાં કુકીંગ કોષ્ટમાં કોઇપણ પ્રકારનો વધારો થયેલ નથી અને હાલ મોંધવારી સતત વધી રહી છે તો કુકીંગ કોષ્ટમાં મોંઘવારીનાં દર મુજબ વધારો કરી આપવામાં આવે એ જરૂરી છે. કારણ કે બે વર્ષ પહેલા રાંધણગેસના એક બોટલના ભાવ શાકભાજી મરી મસાલા તથા અન્ય ખર્ચના ભાવ ખુબ જ વધી જવાથી ભોજન નાસ્તો આપવો અશકય છે તો અમોને આપવામાં આવતુ કુકીંગ કોસ્ટમાં વધારો કરવા માંગ કરીહતી.આ આવેદન આપવા મધ્યાહન ભોજનના કર્મચારીગણ હાજર રહ્યા હતા.
વિનોદ મૈસુરિયા : વાંકલ
