સિટી બસ સેવામાં 42 કરોડનું કૌભાંડ થયું હોવાના આક્ષેપો સાથે આજે વડોદરા મહાનગરપાલિકાના કોંગ્રેસ પક્ષના નેતા અમીબેન રાવત એ પાલિકાની વડી કચેરી ખાતેનાં કોન્ફરન્સ હોલમાં પત્રકાર પરિષદ યોજી મીડિયા સમક્ષ વિગતો આપી હતી જે બાદ આ સમગ્ર મામલે વડોદરાના મેયર કેયુર રોકડિયા સાથે મ્યુનિસિપલ કમિશ્નર શાલિની અગ્રવાલને પત્ર લખી તપાસ કરી ઇજારદારને બ્લેકલિસ્ટ કરવા માંગ કરી છે. તદઉપરાંત આ પત્રની નકલ વડોદરા સ્માર્ટ સિટી કંપની લિમિટેડ CEO એવા ડેપ્યુટી મ્યુનસિપલ કમિશ્નરને મોકલી આપી ત્વરિત કાર્યવાહીની માંગ કરી છે.
ઈલેકશન નજીક આવી રહ્યું છે તેથી હમણાં આ બાબતે બે પાંચ વર્ષ જૂના મુદ્દા બહાર કાઢવામાં આવ્યા છે તેમ વડોદરાના મેયર કેયુર રોકડિયા એ જણાવી આક્ષેપો ખોટા ગણાવ્યા હતાં પરંતુ રજુઆતના આધારે તપાસ ચોક્ક્સથી કરીશું તેમ ઉમેર્યું હતું.
Advertisement
