ખેડા શહેરમાં પરા દરવાજાની પાસે અંબા માતાના પોળમાં રહેતા નિખિલકુમાર હસમુખલાલ જયસ્વાલ પોતે ટેક્સ પ્રેક્ટિસનો વ્યવસાય કરે છે. તેમની માતા સુશીલાબેન ગત 8 મી ઓક્ટોબરના રોજ બપોરના સુમારે બજારમાં ખરીદી માટે ગયેલા અને પરત પોતાના ઘરે આવતા હતા ત્યારે પરા દરવાજા વાળા રસ્તા પાસે પોળ નજીક ચાલતા જતા હતા. તે સમયે કોઈ અજાણ્યા વ્યક્તિએ સુશીલાબેનના ગળામાં પહેરેલ સોનાની ચેઇન ખેંચી તોડી ધક્કો મારી ફરાર થઈ ગયો હતો અને આ બાદ આ ચેઈન સ્નેચર નજીક આવેલા મોટર સાયકલ પર બેસી ફરાર થઈ ગયો હતો. આસપાસના લોકો દોડી આવ્યા હતા પરંતુ આ શખ્સ પલાયન થઈ ગયો હતો. સમગ્ર મામલે આજે નિખિલ કુમાર જયસ્વાલે આ બાબતે ખેડા ટાઉન પોલીસમાં ફરિયાદ નોંધાવી છે.
નરેશ ગનવાણી : નડિયાદ
Advertisement
