નડિયાદ તાલુકાના કેરીયાવી ગામે વાઘેલાનગરમાં રહેતા અનીલ વાઘેલા પીજ ચોકડી નજીક સ્ટીલની ફેક્ટરીમાં નોકરી કરે છે. ગતરોજ સાંજના સુમારે અનીલ મોટરસાયકલ લઈને નોકરીએથી પરત પોતાના ઘરે આવતા હતા. આ દરમિયાન ટુંડેલ ગામની સીમમાં ફેક્ટરીની સામે કોઈ અજાણ્યા વાહને અનીલના મોટરસાયકલને ટક્કર મારી આ વાહન ચાલક નાસી ગયો હતો. અકસ્માતમાં અનીલ મોટરસાયકલ સાથે રોડ પર પટકાતા માથાના ભાગે ગંભીર ઈજા પહોંચી હતી. જેના કારણે તેઓનું ઘટના સ્થળે કમકમાટીભર્યુ મોત નિપજયું હતું. સમગ્ર મામલે મરણજનારના પિતા અરવિંદભાઈ વાઘેલાની ફરિયાદના આધારે વસો પોલીસે ફેટલ અકસ્માતનો ગુનો નોંધી કાયદેસરની કાર્યવાહી હાથ ધરી છે.
નરેશ ગનવાણી : નડિયાદ
Advertisement
