ભરૂચ જિલ્લામાં અકસ્માતોની ઘટનામાં દિન પ્રતિદિન વધારો નોંધાઈ રહ્યો હોય તેમ લાગી રહ્યું છે, ખાસ કરીને હાઇવે વિસ્તારમાં હીટ એન્ડ રન સહિતની અકસ્માતની ઘટનાઓ સતત સામે આવતી દેખાઈ રહી છે, જિલ્લામાં વીતેલા 24 કલાકમાં જ અકસ્માતની ઉપરાછાપરી ઘટનાઓ સામે આવી છે જેમાં બાળક સહિત અન્ય એક વ્યક્તિનું મોત નીપજ્યું હતું, તેવામાં વધુ એક અકસ્માત અંકલેશ્વર નેશનલ હાઇવે વિસ્તારમાં સર્જાયો હતો.
અંકલેશ્વર નેશનલ હાઇવે 48 ઉપર રાજપીપલા ચોકડી બ્રિજ ચઢતા પહેલા મોટર સાયકલ લઈ પસાર થઈ રહેલ અંદાડા ઇન્દ્રપ્રસ સોસાયટીમાં રહેતા ઉજ્જેન સીંગ ઝીંગા રાજપૂત ઉ.વ 48 નાઓની મોટર સાયકલ નંબર GJ 16 DA 3484 ને કોઈ અજાણ્યા વાહન ચાલકે ટક્કર મારતા ઉજ્જેન સીંગ રોડ પર ફંગોળાયા હતા જે બાદ ગંભીર ઈજાઓને પગલે તેઓનું ઘટનાઓ સ્થળે જ મોત નીપજ્યું હતું.
અકસ્માતની ઘટના બાદ સ્થળ ઉપર લોક ટોળા ઉમટી પડયા હતા તેમજ ઘટનાઓ અંગેની જાણ અંકલેશ્વર પોલીસ મથકે કરવામાં આવતા પોલીસે સ્થળ પર દોડી જઈ મૃતકની લાશનો કબ્જો મેળવી તેને પોસ્ટમોર્ટમ અર્થે ખસેડી સમગ્ર મામલે અજાણ્યા વાહન ચાલક સામે અકસ્માત મોત અંગેનો ગુનો દાખલ કરી વધુ તપાસ હાથધરી છે.
