કોલેજ ઓફ એગ્રીકલ્ચર ભરૂચ દ્વારા કરિયર મેનેજમેન્ટ ટ્રેનિંગ પ્રોગ્રામ “કેમ્પસ ટુ કોર્પોરેટ-C2C” નું સફળ આયોજન

કોલેજ ઓફ એગ્રીકલ્ચર એન્ડ પોલીટેકનિક ઇન એગ્રીકલ્ચર, એન.એ.યુ., કેમ્પસ ભરૂચના પ્લેસમેન્ટ એન્ડ કાઉન્સેલિંગ સેલ દ્વારા બુધવારે વિદ્યાર્થીઓ માટે “કેમ્પસ ટુ કોર્પોરેટ” નું કારકિર્દી સંચાલન તાલીમ કાર્યક્રમનું આયોજન કરાયું હતું. આ તાલીમ વિખ્યાત શિક્ષક-ટ્રેનર-સુવિધાકાર-કારકિર્દી સલાહકાર-કોચ અને આમંત્રિત અતિથિ વક્તા ડૉ. મેહુલ જી. ઠક્કર દ્વારા આપવામાં આવી હતી. જેઓ હાલમાં AABMI ખાતે HRM અને TPO માં એસોસિયેટ પ્રોફેસર અને યુનિવર્સિટી પ્લેસમેન્ટ એન્ડ કાઉન્સેલિંગ હેડ, એન.એ.યુ, નવસારીખાતે તેઓ કાર્યરત છે, ખૂબ જ જરૂરી વ્યાવસાયિક માવજતને પ્રોત્સાહન આપીને વિદ્યાર્થીઓની રોજગાર ક્ષમતામાં વધારો કરવાના ઉદ્દેશ્ય સાથે આ તાલીમનું આયોજન કરવામાં આવ્યું હતું.

ડો.એસ.આર. પટેલ, એસોસિએટ પ્રોફેસર, ડિપાર્ટમેન્ટ ઓફ જિનેટિક્સ એન્ડ પ્લાન્ટ બ્રીડીંગે તમામ મહાનુભાવો, ફેકલ્ટી સભ્યો અને સહભાગીઓને આવકાર્યા હતા. આ કાર્યક્રમમાં ફેકલ્ટી સભ્યો સહિત ૧૨૦થી વધુ વિદ્યાર્થીઓએ ભાગ લીધો હતો. આ તાલીમના સાત મહત્વના ક્ષેત્રોમાં દેશમાં વર્તમાન રોજગારીનું તકો, રિઝ્યુમ લેખન, શક્તિશાળી વ્યક્તિત્વ વિકાસ અને છાપ વ્યવસ્થાપન ટિપ્સ, એપ્ટિટ્યુડ ટેસ્ટ અને જીડી ક્રેક કરવાની વ્યૂહરચના, ઇન્ટરવ્યુમાં સફળતા માટે આવશ્યક કૌશલ્યો અને પાવર ડ્રેસિંગ, ઑનલાઇન પ્રતિષ્ઠાનું સંચાલન. અને આજના સ્પર્ધાત્મક યુગમાં નોકરીની શોધ માટે કેવી રીતે વધુ સારી રીતે તૈયાર રહેવું. મહેમાન વક્તા, ડૉ. મેહુલ જી. ઠક્કરનું ઔપચારિક રીતે સ્વાગત કરવામાં આવ્યું હતું અને કોલેજ અને પોલિટેકિક ઇન એગ્રીકલ્ચરના પ્લેસમેન્ટ ઑફિસર ડૉ. દીપા હિરેમઠ અને ડૉ. પી.એમ. સાંખલા દ્વારા તેમનો પરિચય આપવામાં આવ્યો હતો.

ઉદ્ઘાટન સત્ર દરમિયાન કોલેજ ઓફ એગ્રીકલ્ચર, કેમ્પસ ભરૂચના પ્રિન્સિપાલ ડૉ.ડી.ડી.પટેલ મુખ્ય મહેમાન તરીકેના તેમના સંબોધનમાં વિદ્યાર્થીઓને તેમના કોલેજના લેખન અને વાંચનની પરીક્ષાના જીવનથી આગળ વધીને જીવન નામની વાસ્તવિક પરીક્ષા તરફ આગળ વધવાનો સમય આવી ગયો હોવાનું દર્શાવ્યું હતું. અને તેમને તેમની વ્યાવસાયિક કારકિર્દીમાં જબરદસ્ત સફળતાની શુભેચ્છા પાઠવી હતી. ડો.એસ.એલ.સાંગાણી, આસિસ્ટન્ટ પ્રોફેસર અને પ્લેસમેન્ટ ટીમના સભ્ય દ્વારા પ્રસ્તુત આભારવિધિ સાથે કાર્યક્રમનું સમાપન કર્યું હતું.