એમ.એસ.યુનિવર્સિટીની કોમર્સ ફેકલ્ટીમાં એફવાયબીકોમની બેઠકો ઘટાડવા સામે વિદ્યાર્થીઓનુ આંદોલન વધારે ઉગ્ર બની રહ્યુ છે. જોકે ફેકલ્ટી સત્તાધીશો તેમજ યુનિવર્સિટી સત્તાધીશો તેના પર કોઈ પ્રતિભાવ આપી રહ્યા નથી.
આજે ઓલ ગુજરાત સ્ટુડન્ટ ગ્રુપના વિદ્યાર્થીઓએ ફેકલ્ટી ડીનની ઓફિસની બહાર બેઠકો ઘટાડવાના વિરોધમાં ભારે દેખાવો કર્યા હતા. વિદ્યાર્થીઓએ ડીનની ઓફિસની બહારના દરવાજાને તાળા મારી દીધા હતા તેમજ ઘંટનાદ કરીને પોતાનો વિરોધ નોંધાવ્યો હતો. વિદ્યાર્થીઓના કાર્યક્રમના કારણે ફેકલ્ટીમાં ભારે દોડધામ મચી ગઈ હતી.
Advertisement
