જિલ્લા ઉદ્યોગ કેન્દ્ર ભરૂચ અને શ્રી વિકાસ સેવા કેન્દ્ર જીતનગર શાખાના સંયુક્ત ઉપક્રમે નવી ઔદ્યોગિક નીતિ-૨૦૧૫, ટેક્ષટાઇલ યોજના -૧૨ અંતર્ગત રાજ્ય સરકાર ધ્વારા જાહેર કરેલ વિવિધ યોજનાઓ/કુટિર ઉદ્યોગની વિવિધ યોજનાઓની જાણકારી અને માર્ગદર્શન અંગે સેમિનાર મહાકાલેશ્વર મંદિર હોલ ભરૂચ ખાતે નાયબ માહિતી નિયામકશ્રી બી.સી.વસાવાના અધ્યક્ષસ્થાને યોજાયો હતો.
આ પ્રસંગે શ્રી વિકાસ સેવા કેન્દ્ર જીતનગરનાં પ્રમુખ શ્રીમતી દક્ષાબેન પટેલે રાજ્ય સરકારની વિવિધ કલ્યાણકારી યોજનાઓની જાણકારી આપી હતી તથા આ યોજનાઓનો મહત્તમ લાભ લેવા જણાવ્યું હતું. જિલ્લા ઉદ્યોગકેન્દ્ર ધ્વારા નવી ઔદ્યોગિક નીતિ-૨૦૧૫ નું પ્રેઝન્ટેશન બતાવવામાં આવ્યું હતું. જ્યારે જિલ્લા ઉદ્યોગકેન્દ્રના ઇન્ડસ્ટ્રીઝ ઇન્સ્પેક્ટર શ્રી એમ.એન.દેવડાએ ઔદ્યોગિક નીતિઓ તથા વિવિધ યોજનાકીય વિગતોની વિસ્તૃત જાણકારી આપી હતી.
આ પ્રસંગે મોટી સંખ્યામાં મહિલાઓ ઉપસ્થિત રહી માર્ગદર્શન મેળવ્યું હતું.
