સચિન નજીકના વાંઝ ગામમાં બેંક ઓફ મહારાષ્ટ્રમાં બે બાઇક પર ત્રાટકેલા હેલ્મેટધારી લૂંટારૂઓએ રિવોલ્વરની અણીએ બેંક કર્મચારીઓને બાનમા લઇ રોકડા રૂ. 13 લાખની મત્તા લૂંટી ફરાર થઇ જતા પોલીસ દોડતી થઇ ગઇ છે.
શહેરના છેવાડાના સચિન નજીકના વાંઝ ગામમાં આવેલી બેંક ઓફ મહારાષ્ટ્રની શાખામાં આજે સવારે 11.30 વાગ્યાના અરસામાં બે બાઇક ઉપર ચારથી પાંચ હેલમેટધારી લૂંટારૂ ત્રાટકયા હતા. એક પછી એક હેલ્મેટ સાથે જ લૂંટારૂઓ અંદર ઘૂસી જઇ કેશિયર સહિતના સ્ટાફને રિવોલ્વર વડે બાનમાં લઇ રોકડા રૂ. 13 લાખથી વધુની રોકડ મત્તા લૂંટીને બાઇક પર ભાગી ગયા હતા. ઘટનાની જાણ થતા સચિન પોલીસ સહિતના શહેર પોલીસના ઉચ્ચ અધિકારીઓ બેંક ખાતે દોડી ગયા હતા. પોલીસે લૂંટારૂઓનું પગેરૂ દબાવવા રેડ એલર્ટ જાહેર કરી નાકાબંધી કરવાની સાથે તપાસ હાથ ધરી છે.
Advertisement
