ભરૂચનાં લીંબડી ચોક વિસ્તારમાં જુગાર રમતા ઇસમને ઝડપી પાડતી બી ડિવિઝન પોલીસ

ભરૂચ લીંબડી ચોક વિસ્તારમાં વરલી મટકાનો જુગાર રમતા અને રમાડનાર એક ઇસમને બી ડિવિઝન પોલીસે 22 હજાર ઉપરાંતના મુદ્દામાલ સાથે ઝડપી પાડયો છે.

ગતરાત્રિના ભરૂચ શહેર બી ડિવિઝન પોલીસ પેટ્રોલિંગમાં હતી તે દરમિયાન બાતમી મળેલ કે લીંબડી ચોક વિસ્તારમાં એક શખ્સ વરલી મટકાનો જુગાર રમતો અને રમાડતો હોય આ ચોક્કસ બાતમીના આધારે બી ડિવિઝન પોલીસે લીંબડી ચોક વાઘરી વાડ વિસ્તારમાં દરોડો પાડતા વિશાલ દિનેશ વસાવા રહેઠાણ લીંબડી ચોક, વાઘરીવાડ ઉંમર વર્ષ 24 ને પોલીસે ઝડપી પાડી તેની અંગજડતીના રોકડા રૂ.14,980 મોબાઈલ રૂ.8,000 મળી કુલ મુદ્દામાલ કિં.રૂ.22,980 સાથે ઝડપી કાયદેસરની કાર્યવાહી કરી વોન્ટેડ આરોપીને ઝડપી પાડવાના ચક્રો ગતિમાન કર્યા છે.