ભરૂચના જાડેશ્વર રોડ પર હરિહર કોમ્પ્લેક્ષ પાસેથી ઘટના
ભરૂચ.
વડોદરાના સુભાનપુરા વિસ્તારમાં રહેતાં પુષ્પાબેન દિલીપસિંહ રાઠોડ ગઇકાલે ભરૂચના શક્તિનાથ પાસે આવેલાં શંભુ ડેરી પાસે રહેતી તેમની પુત્રીને ત્યાં રોકાવા માટે આવી હતી. દરમિયાનમાં તેમના તુલસીધામ શાકમાર્કેટ પાસે આવેલી હરિહર સોસાયટીમાં તેમના એક સંબંધીને ત્યાં ગયાં હતાં. જે બાદ તેઓ તેમની દેરાણી જ્યોતિબેન રાઠોડ તેમજ લતાબેન રાઠોડ સાથે ખરીદી કરવા માટે તેઓ તુલસીધામ ત્રણ રસ્તાથી જ્યોતિનગર તરફ તેઓ ચાલતા ચાલતા જઇ રહ્યાં હતાં. તે વેળાં જ્યોતિનગર તરફથી એક સફેદ ભુરા કલરની મોપેડ પર 25થી 30 વર્ષના બે યુવાનોએ આવી તે પૈકીના મોપેડ પર પાછળ બેસેલાં યુવાને પુષ્પાબેનના ગળામાંથી પેન્ડલ સાથેની ચેઇન જેની કિંમત 1.27 લાખની થાય છે તે આંચકીને ફરાર થઇ ગયાં હતાં. બનાવને પગલે તેમણે ભરૂચ સી ડિવિઝન પોલીસે ગુનો નોંધી આગળની કાર્યવાહી હાથ ધરી છે.
