ભરૂચ.
ભરૂચ એ ડિવિઝન પોલીસ સ્ટેશનના સ્ટાફને ચોક્કસ બાતમી મળી હતી કે, શહેરની સાધના સ્કૂલ પાસે રહેતો અને દારૂનો વેપલો કરતો અર્જૂન ત્યાગી રેલવે સ્ટેશનમાંથી વિદેશીદારૂનો જથ્થો લઇને ગોદી રોડ થઇ નર્મદા માર્કેટ તરફ જવાનો છે. જેથી ટીમે નર્મદા માર્કેટ પાસે વોચ ગોઠવી હતી. દરમિયાનમાં પોલીસને જોઇને મોપેડ ચાલકે ગોદી રોડ તફર ભાગવા જતાં પોલીસે તેનો પિછો કર્યો હતો. દરમિયાનમાં મોપેડ ચાલકે એક અજાણ્યા શખ્સ સાથે અકસ્માત સર્જતાં પોલીસે તેને ઝડપી પાડ્યો હતો. પુછપરછમાં તેણે તેનું નામ અર્જૂન ઉર્ફે વિરાટ હરીઓમ ત્યાગી (રહે, બટુકનાથ અખાડો, સાધના સ્કૂલ પાસે) હોવાનું જણાવ્યું હતું. તેણે તેના મોપેડ ચાલકે મોપેડના આગળ-પાછળ નંબર પ્લેટ લગાવેલાં ન હતાં. પોલીસે તેની પાસે મોપેડમાં મુકેલી બેગની તપાસ કરતાં તેમાં વિદેશીદારૂનો જથ્થો ભરેલો મળી આવ્યો હતો. પોલીસે તેની ગણતરી કરતાં કુલ 8 હજારથી વધુની મત્તાનો વિદેશીદારૂનો જથ્થો મળી આવતાં ટીમે વિદેશીદારૂ તેમજ મોપેડમળી કુલ 58 હજારનો મુદ્દામાલ જપ્ત કરી આગળની કાર્યવાહી હાથ ધરી છે.
