એલસબીની ટીમે વડોદરાથી બન્નેને દબોચ્યાં, રિમાન્ડની કવાયત
ભરૂચ.
વડોદરાની પપર્લ કંપનીના માલિકો તેમજ કર્મચારીઓએ બેન્કના મેનેજર સાથે મળી બેન્ક સાથે એક કરોડથી વધુની ઉચાપત કરી હતી. મામલામાં ફરિયાદ નોંધાતા પોલીસ આરોપીઓને ઝડપી પાડવાની કવાયત હાથ ધરી હતી. દરમિયાનમાં મામલામાં વડોદરાના જ વિષ્ણુ પટેલ તેમજ પ્રકાશ દવેની સંડોવણી બહાર આવતાં તેમને વર્ષ ૨૦૦૫થી વોન્ટેડ જાહેર કરવામાં આવ્યાં હતાં. ટીમે તેમને શોધવાની કોશિષ કરતાં તેઓ ફરાર થઈ ગયાં હતાં. અરસામાં ભરૂચ એલસીબીના પીએસઆઈ વી. પી. મલ્હોત્રા તેમજ તેમની ટીમને ચોક્કસ બાતમી મળી હતી કે, ૨૦૦૧માં પંજાબ નેશનલ બેન્ક સાથે થયેલી ઠગાઈના કેસમાં વોન્ટેડ એવા વિષ્ણુ રવજી પટેલ (રહે. મંગલા ગ્રીન સોસાયટી, તરસાલી, વડોદરા) પ્રકાશ મધુસુધન દવે (રહે. અપેક્ષા પાર્ક સોાસયટી, ગોત્રી, વડોદરા)હાલમાં વડોદરા છે. જેના પગલે તેમણે ટીમ બનાવી અલગ અલગ સોર્સની મદદથી આખરે બન્નેને ૨૧ વર્ષ બાદ ઝડપી પાડ્યાં હતાં. એલસીબીએ બન્નેને એ ડિવિઝન પોલીસ મથકે સોંપતાં પોલીસે તેઓ અત્યાર સુધી ક્યાં હતાં તે સહિતની વિગતો મેળવવા તેમના રિમાન્ડ મેળવવાની કવાયત હાથ ધરી છે.
