શહેરા ,
પંચમહાલ જીલ્લાના શહેરા તાલુકાના દલવાડા ગામે ત્રણ જેટલા રહેણાક મકાનોમાં મોડી રાતે લુંટારુઓ ત્રાટકયા હતા અને સોનાચાંદીના દાગીના સહીતની લુંટ ચલાવી હતી. પોલીસ ઘટના સ્થળે પહોચીને વધુ તપાસ હાથ ધરી છે.
પંચમહાલ જીલ્લામાં શહેરા તાલુકાના દલવાડા ગામના નિશાળ ફળિયામા તેમજ ડોડિયાણી ફળીયામા આવેલા ત્રણ જેટલા મકાનોમા ૧૦ જેટલા લૂટારુઓએ લૂંટ ચલાવતા ફફડાટ મચી જવા પામ્યો છે.મોડી રાતે આ લૂંટારુઓએ અહીના મકાનોના પરિવારના સભ્યોને બંધક બનાવીને બંદૂકની અણીએ બંધક બનાવી ઘરમા રહેલી તિજોરી તેમજ પેટીમા મુકેલા સોના ચાંદી દાગીના સહિત ની ચલાવી લૂંટ ચલાવી ફરાર થઇ ગયા હતા.બનાવની જાણ પોલીસને થતા જીલ્લા પોલીસ વડા તેમજ ડીવાયએસપી તેમજ શહેરા પોલીસનો કાફલો ઘટના સ્થળે દોડી ગયો હતો.બનાવના પગલે ડોગ સ્કોર્ડ પણ બોલાવામા આવી હતી.ઘટના સ્થળે મોટી સંખ્યામાં લોકોના ટોળા ઊમટયા હતા.લુટના બનાવના પગલે દલવાડા તેમજ આસપાસના ગ્રામજનોમા ફફડાટ વ્યાપી ગયો હતો.પોલીસે આ અંગે વધુ તપાસ હાથ ધરી છે
