અંકલેશ્વર ગુ.હા.બોર્ડ સુરતીભાગોળ વિસ્તારમાં જુગારધામ ઝડપાયું.
કુલ ૬૩૩૨૫ નો મુદ્દામાલ જપ્ત.
અંકલેશ્વર ગુ.હા.બોર્ડ વિસ્તારના બંધ મકાનમાં રમાતો જુગાર પોલીસે ઝડપી પાડ્યો હતો આ બનાવ તારીખ ૨૧/૮/૧૮ ના રાત્રી ના ૮ વાગ્યાના અરસામાં બન્યો હતો જેની ફરીયાદ વુમન પો.કો મધુબેન ભગવાનભાઈ એ નોંધાવી હતી જેમા આરોપી તરીકે દમંયતીબેન હસમુખભાઈ સેજુ ઊ.વ.૩૨ રહેવાસી ગુજરાત હાઊસિંગ ના મકાના નં-૮૦૯ સુરતી ભાગોળ અંકલેશ્વર (૨) રેખાબેન વીનુભાઈ પટેલ (૩) રાજુબેન નટુભાઈ (૪) મંજુબેન રવજીભાઈ (૫) ગંગાબેન ડાહ્યાભાઈ (૬) મુક્તીબેન ગોપાલભાઈ (૭) ભાવનાબેન મેઘાભાઈ નાઓ જુગાર રમતા ઝડપાયા હતા.
આ અંગે વિગતે જોતા દમંયતીબેન હસમુખભાઈ સેજુ ના ઘરમા બંધ દરવાજે ઊપરોક્ત તમામ મહિલાઓ ભેગી થઈ પત્તા-પાનાનો ગેરકાયદેસર જુગાર રમતા ઝડપાયા હતા જેમની અંગ ઝડતીમાં રોકડા રૂપિયા ૫૩૭૪૫ તથા દાવ ઊપરના રોકડા ૫૮૦ જુગાર રમવાના સાધનો અને અન્ય ચીજ વસ્તુઓ મળી કુલ રૂપિયા ૬૩,૩૨૫/- નો મુદ્દામાલ પોલીસે જપ્ત કરેલ છે આ બનાવની તપાસ અંકલેશ્વર શહેર પોલીસ ચલાવી રહી છે.
