23.8 અંકલેશ્વર
વાલીયા પોલીસે સીલુડી ચોકડી પાસે પેટ્રોલીંગ દરમ્યાન અખાદ્ય ગોળ ના ડબ્બા ભરેલ ટેમ્પા સાથે એક ઈસમની અટકાયત કરી કુલ 2 લાખ 27 હજાર નો મુદ્દામાલ કબ્જે કરી કાયદેસર ની કાર્યવાહી હાથ ધરી છે,
પોલીસ સૂત્રીય માહિતી મુજબ વાલીયા પોલીસ મથકના પોલીસ કર્મીઓ રાત્રી પેટ્રોલિંગ માં હતા તે દરમ્યાન સિલુડી ચોકડી પાસે વાહન ચેકીંગ હાથ ધરતા અંકલેશ્વર તરફ થી એક ટેમ્પો નંબર જીજે 5 એ ઝેડ 9084 આવતા તેને રોકી ચાલક ની પૂછપરછ કરતા તે સિલુડી ચોકડી પાસે ની રુદ્રાક્ષ રેસીડેન્સી માં રહેતો ગોપાલ ભોંમાં ગુર્જર હોવાનું જણાવ્યું હતું , પોલીસે ટેમ્પા માં તપાસ કરતા અખાદ્ય ગોળ ભરેલા ડબ્બા મળી આવ્યા હતા પોલીસે ગોપાલ ગુર્જર ની અટકાયત કરી 77 હજાર 500 ની કિંમત ના અખાદ્ય ગોળના 124 નંગ ડબ્બા અને 1 લાખ 50 હજાર ની કિંમત નો ટેમ્પો મળી કુલ 2 લાખ 27 હાજર નો મુદ્દામાલ કબ્જે કરી ગુનો નોંધી વધુ તપાસ હાથ ધરી છે,
