સ્ટેટ વિજિલન્સએ વિદેશી દારૂનો જથ્થો પાલેજ નજીકના વરેડીયા ગામ પાસેથી ઝડપી પાડ્યો.રૂપિયા ૫ લાખ ઉપરાંતના મુદ્દામાલ સાથે ૨ આરોપી ઝડપાયા.એક વોન્ટેડ….

દિનેશભાઇ અડવાણી

ભરૂચ નજીકથી પસાર થતા રાષ્ટ્રીય ધોરીમાર્ગ પર આવેલ વરેડીયા પાસેથી સ્વીફ્ટ મોટરકારમાં વહન કરાતો ઇંગલિશ દારૂનો જથ્થો ઝડપાયો હતો.ઇંગલિશ દારૂ અને વાહન મળી કુલ ૫,૪૦,૬૯૦ નો મુદ્દામાલ ઝડપાયો હતો.આ બનાવ અંગે ૨ આરોપી ઝડપાયા હતા જયારે એક આરોપીને વોન્ટેડ જાહેર કરવામાં આવેલ છે.વિદેશી દારૂ દમણ થી કરજણ વેચાણ અર્થે લઇ જવાતો હોવાનું હાલ પ્રાથમિક તપાસમાં જણાયું છે.સ્ટેટ વિજિલન્સે ઝડપેલ આ ઇંગલિશ દારૂના બનાવમાં મોસીન યુસુફ પઠાણ,રહેવાસી જલારામ નગર કરજણ જિલ્લો વડોદરા તેમજ શહીદઅલી સૈયદ,રહેવાસી જહાંગીર પાર્ક પાલેજની અટક કરવામાં આવેલ છે જયારે એક આરોપી વોન્ટેડ જાહેર કરવામાં આવેલ છે.