આમોદ: આછોદ ગામે સોનુ ગાળવાના બહાને છેતરપિંડીની શંકાએ ૩ ને લોકોએ ઝડપ્યા

અજાણી વ્યક્તિ તમારા ઘેર સોનુ ગાળવાનું કહી ઘરેણા માંગે તો આપશો નહીં, કારણ કે તમે છેતરપિંડીનો શિકાર બની શકો છો. 
સોનુ ગાળવાના બહાને છેતરપિંડી કરતી ગેંગ સક્રિય થઇ છે. સોનુ ગાળવા આવતી ગેંગ લોભ, લાલચ આપી નજર ચૂકવી સોનુ લઈને ફરાર થઇ જાય છે. આવી જ એક ગેંગ ભરૂચ જિલ્લાના આમોદ તાલુકાના આછોદ ગામે ઝડપાઇ છે.
ગામમાં આવી એક મકાનમાં સોનુ ગાળવાનું કહેતા મકાન માલિકને શંકા જતા બુમાબુમ કરતા ગ્રામજનો ભેગા થઇ ગયા હતા અને ત્રણ ઈસમને પકડી બાદમાં આમોદ પોલીસને જાણ કરી હતી. ત્યારે આમોદ પોલીસે આ ત્રણેવ ઈસમોને પોલીસ સ્ટેશન લઇ જઈ પૂછપરછ કરી હતી.