સુરત મહાનગરપાલિકા મજુર સંઘના નેજા હેઠળ આજે મોટી સંખ્યામાં આંગણવાડીની બહેનો સુરત જિલ્લા કલેક્ટર કચેરી ખાતે પહોંચી વિવિધ પડતર માંગણીઓ સાથે તેઓએ રાજ્ય સરકાર પાસે તમામ આંગણવાડીની બહેનોને સરકારી કર્મચારી જાહેર કરવાની માંગ કરી હતી.રાજ્યમાં હજારોની સંખ્યામાં આંગણવાડીની બહેનો કાર્યરત છે. તેમ છતાં તેમની અનેક માંગણીઓ અત્યાર સુધી પૂર્ણ થઇ નથી. આ પડતર માંગણીઓની માંગ સાથે આજે મોટી સંખ્યામાં આંગણવાડીમાં કાર્યરત બહેનોએ કલેક્ટર કચેરી પહોંચી આવેદનપત્ર સુપ્રત કર્યું હતુ. તમામ આંગણવાડીમાં કાર્યરત બહેનોએ સૂત્રોચ્ચાર કરી તેમને સરકારી કર્મચારી ઘોષિત કરવાની માંગ સરકાર પાસે કરી હતી.
Advertisement
