ભરૂચ એલ.સી.બી પોલીસે બે વર્ષથી નાસતા-ફરતા બુટલેગરને ઝડપી લઇ જેલના હવાલે કર્યો છે. મળતી વિગતો મુજબ પોલીસે નાસતા ફરતા પ્રોહિબિશનના ગુનાનાં બૂટલેગરો પર સતત વોચ રાખી હતી જેમાં ટેકનિકલ સર્વેલન્સ અને હ્યુમન ઇન્ટેલિજન્સની મદદથી માહિતી મેળવી પોલીસે ભરૂચ જિલ્લામાં પ્રોહિબિશનના ગુનામાં નાસતો ફરતો આરોપી ઇદ્રીશ ઉર્ફે ભુરીયો ભૈયો મન્નુ શેખ રહેવાસી પ્રતીક્ષા રેસીડેન્સી, કાપોદ્રા, સેલવાસ હોવાની માહિતીના આધારે તેની સેલવાસ જઈ અટકાયત કરવામાં આવી હતી. પોલીસે તેની પાસેથી કુલ રૂપિયા 62340 નો મુદ્દામાલ પણ કબજે કર્યો હતો. નોંધનીય છે કે આરોપી ઈદ્રીશ શેખ ઉપર ભરૂચ, અંકલેશ્વર, ઝઘડિયા, દહેજ, ગણદેવી, વલસાડ, કોસંબા વગેરે જગ્યાએ ગુના નોંધાયેલા છે અને 2017માં તો તેની પાસા હેઠળ ધરપકડ કરી જામનગર જિલ્લાની જેલમાં ધકેલી દેવાયો હતો.
Advertisement
