ભરૂચ એ ડિવિઝન પોલીસ મથકના સર્વેલન્સ વિભાગની ટુકડી પેટ્રોલિંગમાં હતી તે દરમ્યાન એક શંકાસ્પદ ઈસમ નામે ચિરાગ મોહન પટેલ (રહે.મક્તમપુર, ભરૂચ) પાસે થી કોપર પાઇપના ટુકડા મળી આવ્યા હતાં. જે અંગે પૂછતાછ કરતા તેણે કબુલ્યું હતું કે ચારેક મહિના અગાઉ તેણે સિવિલ હોસ્પિટલના એર કંડીશનરના કોપરના પાઇપ કાપી ચોરી કરી હતી. આથી પોલીસે તેની અટકાયત કરી કાયદેસરની કાર્યવાહી હાથ ધરી હતી. આ આરોપી વિરુદ્ધ અગાઉ ભરૂચ એ ડિવિઝન પોલીસ મથકમાં આઇપીસી કલમ 457, 380 અન્વયે ગુનો દર્જ હતો.
Advertisement
