રામ રાખે તેને કોણ ચાખે…પરંતુ સુરતમાં પોલીસ એક બાળકી અને મહિલા માટે રામ બની સામે આવ્યા છે. સુરતના કોઝ વે ના પાણીમાં ડૂબી રહેલ બાળકી અને તેની માસી ને બચાવવા પોલીસ કર્મી રામસિંગ રબારીએ છલાંગ લગાવી હતી અને બંનેના જીવ બચાવ્યા છે. રામસિંગ રબારી સુરતના ટ્રાફિક શાખામાં કોન્સ્ટેબલ તરીકે ફરજ બજાવે છે. આજે તેઓ તેમની નોકરી પૂર્ણ કરી કોઝ વે થી ઘરે પરત ફરી રહ્યા હતા,ત્યારે અચાનક બચાવ બચાવની અવાજ આવી રહી હતી,જોકે 25 થી 30 લોકોનું ટોળું હોવા છતાં કોઈ આ બંનેને બચાવવા કુદયું ન હતું, પરંતુ ટ્રાફિક પોલીસ કર્મી રામસિંગ રબારીએ એકપણ પળ વિતાવ્યા વિના કોઝ વે માં છલાંગ લગાવી હતી અને ડૂબી રહેલ 10 વર્ષીય જયશ્રી અને 30 વર્ષીય રીટા રાઠોડને બચાવી હતી,જોકે પોલીસ કર્મીએ બંનેના જીવ બચાવી જિંદગીનું સૌથી સારું કામ કર્યું હોય તેવી અનુભૂતિ કરી હતી.
Advertisement
