ઝધડીયા તાલુકાના રાજપારડીથી ઝધડીયા તરફ જતા માર્ગ પર સિમધરા ગામ નજીક એક મોટરસાયકલને પાછળથી આવતી એક ટ્રકના ચાલકે અડફેટમાં લેતા બાઇક સવાર બે વ્યક્તિઓ ગંભીર રીતે જખ્મી થઇ હતી.આ અકસ્માતમાં મોટરસાયકલ ટ્રક સાથે ઘસડાઇને થોડે દુર સુધી ખેંચાવા પામી હતી.ટ્રક સાથે ઘસડાયેલી બાઇક સળગી ઉઠી હતી.રાજપારડી પોલીસમાંથી મળતી વિગતો અનુસાર તા.૧૧ મીના રોજ વાઘપુરા તા.ઝધડીયાના અશ્વિનભાઇ વસાવા સાસરીમાંથી મંગેતર ખુશ્બુબેનને લઇને પાછા જતા હતા ત્યારે સિમધરા નજીક આ અકસ્માત સર્જાતા બાઇક સવાર અશ્વિનભાઇ વસાવા અને ખુશ્બુબેનને શરીરના કેટલાક ભાગો પર ગંભીર ઇજાઓ થઇ હતી.આ અકસ્માતમાં મોટરસાયકલ સળગી ગઇ હતી.બાદમાં ઉર્મિલાબેન ઝવેરભાઇ વસાવા રહે.સરકારી વાઘપુરા તા.ઝધડીયાનાએ રાજપારડી પોલીસમાં અકસ્માત સર્જનાર ટ્રક ચાલક વિરુદ્ધ ફરિયાદ લખાવતા પોલીસે અકસ્માત સર્જનાર ટ્રક ચાલક વિરુદ્ધ ગુનો નોંધી તપાસ હાથ ધરી છે.ઉલ્લેખનીય છેકે રાજપારડી ઝધડીયા વચ્ચે અવારનવાર નાનામોટા અકસ્માતો સર્જાતા હોવાથી જનતા ચિંતિત બની છે.
ગુલામહુશેન ખત્રી રાજપારડી જિ.ભરૂચ
