ભરૂચ જીલ્લાનાં વાલીયાનાં પણસોલી ગામે પત્ની તેના પ્રેમી સાથે ભાગી ગઈ હતી અને પરત ઘરે આવતા પતિએ લાકડીનાં ફટકા મારી મોટર સાયકલથી પગ કચડી નાંખી મોતને ધાટ ઉતારી ફરાર થઈ ગયો હોવાની ધટનાએ ચકચાર મચી ગઈ છે. વાલીયા તાલુકાનાં પણસોલી ગામનાં ફનફોઇ ફળિયામાં પતિએ પત્નીની હત્યા કરી નાંખી હતી. આ બનાવ અંગે વાલીયા પોલીસ મથકમાં નોંધાયેલી ફરિયાદમાં ફનફોઇ ફળિયામાં રહેતાં અશ્વિન અભેસિંહ વસાવાની પત્ની સુધા વસાવા ઉં.વર્ષ 39 ની આજથી 15 દિવસ પહેલા ગામનાં નિલેષ નામનાં યુવાન સાથે ભાગી ગઈ હતી અને ગઇકાલે સુધા વસાવા ઘરે પરત આવતા પતિ પત્ની વચ્ચે ઝઘડો થયો અને ઉશ્કેરાયેલા પતિએ પત્ની સુધાને લાકડાનાં ફટકા તેમજ પેટમાં લાતો મારી પગ ઉપર મોટર સાયકલ ચઢાવી દઈને તેણીને મોતને ધાટ ઉતારી મોટર સાયકલ લઈને ભાગી છૂટયો હતો. આ બનાવની જાણ વાલીયા પોલીસને કરતાં પોલીસે અશ્વિન વસાવા સામે પત્નીની હત્યા કરવા સંબંધે ગુનો દાખલ કરીને આગળની વધુ તપાસ ઇન્ચાર્જ પી.આઇ બી.એ. ગામીત તપાસ ચલાવી રહ્યા છે.
વાલીયાનાં પણસોલી ગામે પત્ની પ્રેમી સાથે ભાગી જતાં પતિએ મારમારી મોતને ધાટ ઉતારી.
Advertisement
