ભરૂચ એસ.ઓ.જી પોલીસે ભરૂચનાં પાંચબત્તી વિસ્તારમાંથી બાતમીનાં આધારે 150 ગ્રામ જેટલા ચરસ સાથે એક આધેડ ઈસમને ઝડપી પાડયો હતો.

ભરૂચ એસ.ઓ.જી તેમજ ભરૂચ એ ડિવિઝન પોલીસની સંયુકત ટીમે ભરૂચના પાંચબત્તી વિસ્તારમાંથી વેસ્પા સ્કૂટર ઉપર પસાર થતા સુરતના રહીશ અબ્દુલ સત્તાર હાજીનુર મહંમદ મેમ નામના શખ્સ પાસેથી 150 ગ્રામ પ્રતિબંધિત ચરસના જથ્થા સાથે ઝડપી પાડયો હતો. પોલીસે રૂ.15,000 ના ચરસ તેમજ સ્કૂટર, મોબાઇલ સહીત 1 લાખના મુદ્દામાલ સાથે અટકાયત કરી કાયદેસરની કાર્યવાહી હાથ ધરી હતી.