પંચમહાલ જિલ્લા કલેકટરશ્રી અમિત અરોરા (આઈ.એ.એસ.) દ્વારા ધ ગુજરાત એપિડેમિક ડિસીઝ કોવિડ-19 રેગ્યુલેશન્સ, 2020ની કલમ-11 તથા ડિઝાસ્ટર મેનેજમેન્ટ એક્ટ, 2005 ની કલમ-30 અને 34 હેઠળ મળેલા અધિકારની રૂએ જિલ્લાનાં ક્લસ્ટર કન્ટેઈન્મેન્ટ એરિયા તરીકે જાહેર કરેલ વિસ્તારો પૈકી વધુ 4 વિસ્તારોને ક્લસ્ટરમુક્ત જાહેર કરતો હુકમ કરવામાં આવ્યો છે. જેમાં ગોધરા નગરપાલિકા અને તાલુકાના 1-1, હાલોલ નગરપાલિકાનો 1 અને મોરવા (હ) તાલુકાના 1 વિસ્તારને ક્લસ્ટર ક્વોરેન્ટાઈન મુક્ત જાહેર કરવામાં આવ્યા છે. આ ચારેય વિસ્તારોમાં તા.03/06/2020ના રોજ અંતિમ કોરોના પોઝિટીવ કેસ મળી આવ્યો હતો. આ સાથે જ ઈન્દિરા કોલોની સાલિયા (સંત રોડ) વિસ્તારનાં 18 ઘરોનાં 102 લોકો, સામલીનાં બામણ ફળિયાનાં 19 ઘરોનાં 85 લોકો, મહાવીરનગર વિસ્તારનાં 18 ઘરોનાં 44 વ્યક્તિઓ અને રાણાવાસ-ગોલવાડનાં 36 ઘરોના 96 લોકોને ક્લસ્ટર ક્વોરેન્ટાઈનમાંથી મુક્તિ મળી છે. જિલ્લામાં કોરોના પોઝિટીવ કેસ મળી આવવાના પરિણામે અત્યાર સુધી કુલ 105 વિસ્તારોને ક્લસ્ટર ક્વોરેન્ટાઈન જાહેર કરવામાં આવ્યા હતા. જે પૈકી અત્યારની સ્થિતિએ કુલ 47 વિસ્તારોને છેલ્લા 28 દિવસોથી કોઈ પોઝિટીવ કેસ ન મળી આવવાના પરિણામે ક્લસ્ટર ક્વોરેન્ટાઈન મુક્ત જાહેર કરવામાં આવ્યા છે. બાકી રહેલા 58 વિસ્તારો ક્લસ્ટર ક્વોરેન્ટાઈન છે.
પંચમહાલ રાજુ સોલંકી
