અંકલેશ્વર નજીક માંડવા ટોલ ટેક્ષ પાસેથી વિદેશી દારૂનો જથ્થો ઝડપાયો.

વિદેશી દારૂની હેરફેરી માટે ખેપિયાઓ જાતજાતનાં કીમિયા અપનાવતા રહ્યા છે ત્યારે પોલીસતંત્ર પણ અવનવા કીમિયાને જાણી દારૂનો જથ્થો ઝડપી પાડે છે. જેમ કે અંકલેશ્વર માંડવા ટોલ ટેક્ષ ખાતેથી બે ખેપિયા ફોર વ્હીલ ગાડીની ડીકીનાં ચોરખાનામાંથી તથા શીટ કવરની પાછળ બનાવેલ ખાનામાંથી વિદેશી દારૂ ભરૂચ એલ.સી.બી. એ ઝડપી પડયો હતો. આ અંગેની વિગત જોતાં ભરૂચ જીલ્લા પોલીસ વડા રાજેન્દ્રસિંહ ચુડાસમાની સૂચના અને એલ.સી.બી. પી.આઇ જે.એન.ઝાલાનાં માર્ગદર્શન હેઠળ મળેલ બાતમીના આધારે જુદી જુદી ટીમો બનાવી અંકલેશ્વર હાઇવે વિસ્તારમાં પેટ્રોલીંગ કરાઇ રહ્યું હતું તે દરમ્યાન બાતમી મુજબની ફોર વ્હીલ મારૂતિ સુઝુકી માંડવા ટોલ ટેક્ષ પાસે આવતા જણાતા મોટરકારનાં ચોરખાના અને શીટ કવરની પાછળ બનાવેલ ખાનામાંથી ભારતીય બનાવટનાં વિદેશી દારૂ કુલ બોટલ નંગ 54 સાથે મળી કુલ મત્તા રૂ.4,30,000 સાથે બે આરોપીને એલ.સી.બી પોલીસે ઝડપી પાડેલ હતા. અટક કરેલ બે આરોપીઓમાં 1) અબ્દુલ અલ્લી જમાલ સીદીક રહે.મહારાજા સોસાયટી જામનગર 2) અમિતગિરિ કિરીટગિરિ ગોસ્વામી રહે.નાગેશ્વર કોલોની જામનગરને ઝડપી પાડેલ છે. કબ્જે કરેલ મુદ્દામાલમાં વિદેશી દારૂની બોટલ નંગ.54 કિં.27,000, મોબાઈલ નંગ 1 કિં.3000, ફોર વહીલ કિં.400000 મળી કુલ 4,30,000 ની મત્તા જપ્ત કરેલ છે.