રાજપીપળા નજીક આવેલા ભદામ ગામની કરજણ નદીમાં આજે બપોરે નાહવા પડેલા પાંચ જેવા નાના બાળકો પૈકી બે બાળકો નદીના પાણીમાં ડૂબી ગયા હોય રાજપીપળા નગર પાલિકાની ફાયર ફાઇટર ટિમ અને પોલીસ ઘટના સ્થળે પહોંચી રેસ્ક્યુ કરી રહી છે.
નાહવા પડેલા પાંચ બાળકો પૈકી બે પાણીમાં ડૂબતા જ બાકીના બે ડરના માર્યા ચાલ્યા ગયા હતા જ્યારે અન્ય એક બાળક રેસ્ક્યુ ટિમને જાણકારી આપી રહ્યો છે. આમ પણ સાંજે પડી જતા અંધારાના કારણે ફાયર ટિમને રેસ્ક્યુ કરવામાં તકલીફ પડી રહી છે છતાં પાલિકાના ફાયર ફાયટરો હાલ ઘટના સ્થળે રેસ્ક્યુની કામગીરી કરી રહયા છે. જોકે હજુ સુધી ડૂબેલા બે બાળકોની કોઈ ભાળ મળી નથી ઘટના સ્થળે ગ્રામજનોના ટોળાં મોટી સંખ્યામાં ઉમટી પડ્યા છે.બાળકોના પરિવારજનો ત્યાં આક્રંદ કરતા નજરે પડ્યા હતા.
રિપોર્ટર. આરીફ જી કુરેશી
Advertisement
