ભરૂચ જિલ્લાનાં પાલેજ હાઇવે પર આવેલા ઓવરબ્રિજ ઉપર વડોદરા તરફ જઈ રહેલી એક કારને કોઈ અજાણ્યા વાહને ટક્કર મારતા અકસ્માત સર્જાયો હતો. પ્રાપ્ત માહિતી અનુસાર નવસારીથી અમદાવાદ જઈ રહેલી એક કાર સવારે પાલેજ નજીકથી પસાર થઈ રહી હતી ત્યારે ઓવરબ્રિજ ઉપરથી પસાર થઈ રહેલા કોઈ અજાણ્યા વાહને કારને ટક્કર મારતા કાર ઓવરબ્રિજની રેલીંગ સાથે અથડાઈને અટકી ગઈ હતી.
સર્જાયેલા અકસ્માતમાં કારમાં સવાર બંને વ્યક્તિઓનો આબાદ બચાવ થયો હતો. જોકે સર્જાયેલા અકસ્માતમાં કારના આગળના ભાગને ખૂબ મોટું નુક્સાન થયું હતું. અકસ્માતની જાણ થતા એલ એન્ડ ટી કર્મીઓએ ઘટના સ્થળે પહોંચી ટ્રાફિકને અડચણ ઉભી ન થાય એ માટે કવાયત હાથ ધરી હતી.
યાકુબ પટેલ : પાલેજ
Advertisement
