ભરૂચ : દાંડીયા બજાર નજીક મારૂ ફળીયામાં રાત્રીનાં સમયે ધડાકાભેર આગ લાગી…જાણો કેમ ?

ભરૂચ નગરનાં બિગ બજાર પાછળ આવેલ મારૂ ફળિયામાં રાત્રીનાં સમયે ઓચિંતો ગેસનો બોટલ ફાટતા આગ લાગી હતી, મંજુબેન વસાવાનાં મકાનમાં આગ લાગતા મકાનને ખુબ મોટુ નુકશાન થયું હતું.

ભરૂચ નગરપાલિકાના ફાયરબ્રિગેડનાં જવાનોએ ખુબ જહેમત કરી આગને કાબુમાં લીધી હતી. ગેસનો બોટલ ફાટતા મોટો ધડાકો થતાં મહોલ્લાનાં લોકો બહાર નીકળી આવ્યા હતા. એક તબક્કે લોકો એવુ સમજ્યા હતા કે ધરતીકંપ થયો પરંતુ મકાનમાંથી ધુમાડા નીકળતા આગ લાગી હોવાનું જણાયું હતું. જોકે ફાયર બ્રિગેડના જવાનોએ મકાનમાં રહેલ એક ખાલી અને એક ભરેલા રાંધણ ગેસને ઠંડા કરી આગને સિફત પૂર્વક કાબુમાં લીધી હતી.