અંકલેશ્વર નગરપાલિકા દ્વારા બાગમાં લગાવેલ લોખંડની ગ્રીલ એક વ્યક્તિ દ્વારા તોડવામાં આવી રહી હોવાનો વીડિયો સોશિયલ મીડિયા ઉપર વાઈરલ થઈ રહ્યો છે જોકે ધોળે દિવસે નગરપાલિકા સંચાલિત બાગની લોખંડની ગ્રીલ તોડી ચોરી કરી રહ્યો હોવાની ચર્ચાઓનાં પગલે નગરપાલિકા તંત્રએ પણ તપાસનો દોર શરૂ કર્યો હતો.
બનાવની મળતી માહિતી અનુસાર બાગમાં એક વ્યક્તિ કયા કારણોસર આ ગ્રીલ તોડી રહ્યો છે તે અંગેનું ચોક્કસ કારણ જાણવા મળ્યું નથી. જોકે સોશિયલ મીડિયા ઉપર ફરતા મેસેજ પ્રમાણે આ વ્યક્તિ દ્વારા ગ્રીલ તોડી લોખંડની ચોરી કરવામાં આવી રહી છે. જોકે નગરપાલિકાના બગીચામાં લોખંડની ગ્રીલની ચોરી થઇ રહી હોવાના અહેવાલો સોશિયલ મીડિયા ઉપર વાઈરલ થતા અંકલેશ્વર નગરપાલિકાએ સમગ્ર વાયરલ વીડિયોમાં તપાસનો દોર શરૂ કર્યો હતો.
Advertisement
