ભરૂચમાં આઉટસોર્સિંગનાં કર્મચારીઓને છેલ્લા 3 મહિનાથી વેતન ન ચૂકવતા આજે ભરૂચ જીલ્લા આરોગ્ય વિભાગ કચેરી બહાર સફેદ વસ્ત્ર ધારણ કરી વિરોધ પ્રદર્શિત કરી માસ સીએલ પર તમામ કર્મચારીઓ ઉતરી ગયા હતા.
ગુજરાત સરકાર દ્વારા વર્ષ 2010 ની સાલથી વર્ગ-4 ની કાયમી ભરતી બંધ કરી આઉટસોર્સિંગની નીતિ અમલમાં મૂકવામાં આવી છે. સમયાંતરે વર્ગ-3 ની રેગ્યુલર મહેકમની ખાલી જગ્યાઓમાં પણ આઉટસોર્સિંગથી કર્મચારીઓની ભરતી કરવામાં આવે છે. આઉટસોર્સિંગથી ભરૂચની સિવિલ હોસ્પિટલમાં ડી.જી. નકરાણી કોન્ટ્રાકટ હેઠળ સી.એચ.સી., પી.એચ.સી. નાં કર્મચારીઓ ફરજ બજાવે છે. હાલ છેલ્લા 3 મહિનાથી આ કર્મચારીઓને વેતન ન મળતા આજે ભરૂચની આરોગ્ય કચેરીની બહાર ધરણાં કરી માસ સીએલ પર આ કર્મચારીઓ ઉતરી ગયા હતા અને આ કર્મચારી ગણનાં સુભાષ રવિચંદ સોલંકીએ પોતાની આપવીતી મીડિયા સમક્ષ જણાવતા કહ્યું હતું કે હાલ કોન્ટ્રાકટ બેઝ કર્મચારીઓ કામ કરે છે. એક તરફ સરકાર કોરોના વોરિયર્સનું સન્માનની વાતો કરે છે તો બીજી તરફ કર્મચારીઓને મળવાપાત્ર વેતન કરતાં નજીવા વેતનમાં કામગીરી કરાવે છે. આથી આ કર્મચારીઓની માંગણી છે કે જો આગામી સમયમાં સરકાર દ્વારા અમારા પગારનું બાકી ચૂકવણું કરવામાં નહીં આવે તેમજ વ્યવસ્થિત કામગીરી નહીં કરાઇ તો રાજયમાં આગમન થતી કોરોના વેકસીનની કામગીરીનો બહિષ્કાર કરવામાં આવશે તેમજ ઉગ્ર આંદોલનની ચીમકી આપી છે.
ભરૂચ સિવિલનાં PHC, CHC સ્ટાફને 3 મહિનાનો પગાર ન ચૂકવાતા કર્મચારીઓ માસ સીએલ પર ઉતર્યા.
Advertisement
