ભરૂચ જીલ્લાના ઝઘડીયા તાલુકાના રાજપારડી પોલીસ સ્ટેશનમાં નોંધાયેલ બે ગુનામાં સંડોવાયેલો અને ચાર વર્ષથી નાસતા ફરતા આરોપીને રાજપારડી પોલીસે ઝડપી લઇને કાયદેસર કાર્યવાહી હાથ ધરી છે.
મળતી વિગતો મુજબ વિવિધ ગુનાઓમાં નાસતા ફરતા આરોપીઓને ઝડપી લેવા ઉચ્ચ અધિકારીઓની સૂચના અંતર્ગત રાજપારડી પી.એસ.આઇ. જયદિપસિંહ જાદવ અને પોલીસ જવાનોએ નાસતા ફરતા આરોપીઓને ઝડપી લેવા સ્પેશિયલ ડ્રાઇવ યોજી હતી. દરમિયાન પોલીસે પેટ્રોલિંગ દરમિયાન હ્યુમન ઇન્ટેલિજન્સની બાતમીના આધારે નેત્રંગના મોહન કિશન વસાવાને ઝડપી પાડયો હતો. ઝડપાયેલ આરોપી ચાર વર્ષથી વોન્ટેડ હતો, અને પોલીસથી નાસતો ફરતો હતો. આ ઝડપાયેલ કથિત આરોપી સામે રાજપારડી પોલીસ સ્ટેશનમાં બે ગુનાઓ દાખલ થયેલ હતા. આ નાસતા ફરતા આરોપીને ઝડપી લઇને પોલીસે કાયદેસરની કાર્યવાહી હાથ ધરી હતી. ઉલ્લેખનીય છે કે રાજપારડી પોલીસે નાસતા ફરતા આરોપીઓને ઝડપી લેવા કવાયત હાથ ધરતા આવા ઇસમોમાં ફફડાટ ફેલાવા પામ્યો છે.
ગુલામહુશેન ખત્રી રાજપારડી જિ.ભરૂચ
