નર્મદા જિલ્લામાં હાલ સ્થાનિક સ્વરાજ ચુંટણીઓને ગણતરીના કલાકો બાકી છે ત્યારે કેટલાક કાર્યકરો પક્ષની વિચારધારાથી વિપરિત જઈને પક્ષ વિરોધી કામ કરી રહયા છે અને કેટલાક લોકો અપક્ષમાં ઉમેદવારી નોંધાવી હોય આ લોકોને પક્ષ વિરૂદ્ધ કાર્ય કરવાના કારણે ભારતીય જનતા પાર્ટીનાં પ્રાથમિક સભ્ય તથા સક્રિય સભ્યપદ પર થી છ વર્ષ માટે બરતરફ ( સસ્પેન્ડ ) કરવા નર્મદા જિલ્લા ભાજપ પ્રમુખ ઘનશ્યામભાઈ પટેલે પત્ર કરતા અન્યોમાં ફફડાટ ફેલાતો છે. ત્યારે બરતરફ કરાયેલા આ 8 વ્યક્તિઓમાં મહેન્દ્રભાઈ સનાભાઈ તડવી-જલોદરા, ગુજનભાઈ છગનભાઈ વસાવા- સાગબારા, પૂર્વ પ્રમુખ સાગબારા, ખુમાનસિંહ છીડિયાભાઈ વસાવા-રાવલ ( સાગબારા ), કિરણસિંહ પરમાર -શહેરાવ, રાજુભાઈ ભલાભાઈ રોહિત-ભદામ- કાર્યકર્તા ભાજપા, ગોવિંદ છોટાભાઈ વસાવા-શહેરાવ તા.મંત્રી સંગઠન, ઈરફાન આરબ -રાજપીપળા શહેર-લધુમતિ મોરચા અને સરોજબેન તડવી-રાજપીપળા શહેરને પક્ષના પ્રાથમિક સભ્ય તથા સકિય સભ્ય પદ પરથી દૂર કરવામાં આવ્યા છે.
રાજપીપળા : આરીફ જી કુરેશી
