ભરૂચ જિલ્લાના ઝઘડિયા તાલુકાના દરિયા ગામે બે ભેંસો અને પાડીયા મળીને કુલ ચાર પશુઓ રાત્રી દરમિયાન ચોરાઇ ગયા હોવાની ઘટના બનવા પામી છે.
મળતી વિગતો મુજબ દરીયા ગામે રહેતા રમેશભાઇ અમરસિંહભાઈ વસાવાનો ખેતી અને પશુપાલનનો વ્યવસાય છે.તેમની પાસે બે મહેસાણી જાતની ભેસ તથા તેના બે પાડીયા હતા. ગઇકાલે રાત્રીના સમયે ભેંસોને ઘાસચારો નાખીને તેઓ સુઈ ગયા હતા.વહેલી સવારે તેઓ જાગ્યા ત્યારે જે સ્થળે ભેંસો બાંધેલી હતી તે સ્થળે બંને ભેંસો તથા તેના બે પાડીયા જણાયા નહિ, તેથી તેમણે પરિવારના અન્ય સભ્યો સાથે આજુબાજુમાં તપાસ કરી પરંતું ભેંસો અને પાડીયાની કોઇ ભાળ મળી નહતી. જેથી આ પાલતુ પશુઓ ચોરાયા હોવાની ખાતરી થતાં તેમણે ઝઘડિયા પોલીસમાં આ અંગે ફરિયાદ લખાવી હતી.
Advertisement
ગુલામહુશેન ખત્રી રાજપારડી જિ.ભરૂચ
