રાજકોટ શહેરમાં ગેરકાયદે હથિયારો અન્ય પ્રાંતમાંથી જિલ્લામાં ઘુસાડી ગુનાહિત ઘટનાઓને અપાતા અંજામ ઉપર નજર રાખવા જિલ્લા પોલીસ વડાની સૂચનાથી એલ.સી.બી. અને એસ.ઓ.જી ટીમ સક્રિય થઈ હતી.
મળેલ બાતમીને આધારે રાજકોટ કુંવાડવારોડ, ડી. માર્ટ સામે મારુતિ નગર મેઈન રોડ ઉપરથી દેશી બનાવટની પીસ્ટલ તથા જીવતા બે નંગ કાટીર્સ સાથે આરોપી રઘુભાઈ ધારાભાઈ મુંધવાની રાજકોટ શહેર ક્રાઇમ બ્રાંચે ધરપકડ કરી અને આગળની કાર્યવાહી હાથ ધરી હતી જેમાં પિસ્તોલ નંગ એક જેની કિંમત 10,000/- સાથે બે જીવતા કાર્ટિસ જેની કિંમત 200/- રૂપિયાનો મુદ્દામાલ જપ્ત કરવામાં આવ્યો હતો.
આરોપી રઘુભાઈ ધારાભાઈ મુંધવા અગાઉના વર્ષ 2016-18-19 માં જુગારના કેસમાં રાજકોટ બી ડીવીઝન પોલીસ સ્ટેશન તથા ચોટીલા પોલીસ સ્ટેશન તથા થાન પોલીસ સ્ટેશન અને જામનગર ખાતે પકડાયેલ હતો. પૂછપરછ કરતાં જાણવા મળ્યું હતું કે આરોપીને હથિયાર રાખવાનો પોતાનો શોખ હોવાને કારણે હથિયાર રાખતો હતો.
