*કરજણના વલણ ગામે સરકારી આંગણવાડીના નાના ભૂલકાઓને વિના મૂલ્યે યુનિફોર્મ વિતરણ કરાયું.

વલણ ગામમાં 9 આંગણવાડીઓ આવેલી છે. જેમાંથી ગામના ચાર રસ્તે આવેલી “વલણ-3 આંગણવાડી”ને સરકારની યોજના હેઠળ “સ્માર્ટ આંગણવાડી” બનાવવામાં આવી છે.
આજ રોજ સવારે વલણ-3 આંગણવાડીના 3 થી 6 વર્ષ સુધીના 43 બાળકોને મહાનુભાવો દ્વારા વાલીઓની હાજરીમાં 2-2 જોડ યુનિફોર્મનુ વિતરણ કરવામાં આવ્યું હતું.આ પ્રસંગે મુખ્ય મહેમાન વલણ PHC ના મેડિકલ ઓફિસર ડૉ. તસવ્વુરબેન, અતિથિ વિશેષ વલણ સરપંચશ્રી રમણભાઈ વસાવા, કરજણ તાલુકા સદસ્ય મોહસીન જોલી, કરજણ CSC અકેડમીના ડાયરેક્ટર અને સામાજિક કાર્યકર એડવોકેટ તૌસીફભાઈ કિકા, વલણ PHC ના સુપર વાઈઝર લુકમાન કોલા, આંગણવાડી વલણ-3 ના કાર્યકર મુમતાઝ વાંસીવાલા, તેડાઘર નજરાનાબેન ઉપસ્થિત રહ્યા હતા.