ભરૂચના ચકલા વિસ્તારમાં પાણીની પાઈપલાઈન બાબતે રાજકારણ ગરમાયુ હતું, આજરોજ જુના ભરૂચમાં લલ્લુભાઈ ચકલાથી જુનાબજાર વિસ્તાર સુધી નાખવામાં આવતી પાણીની પાઇપલાઇનનો લલ્લુભાઈ ચકલા વિસ્તારના આજુબાજુના રહીશો દ્વારા લલ્લુભાઇ ચકલના મુખ્ય રોડ પર ઉભા રહી શાંતિપૂર્ણ વિરોધ કરવામાં આવ્યો હતો અને પાઇપલાઇનનું કામ તાત્કાલિક ધોરણે બંધ કરવાની માંગ કરવામાં આવી હતી. ચકલા પાણીની પાઈપલાઈનમાં સ્થાનિક દ્વારા અપાયેલા નિવેદન મામલે સત્તા પક્ષ એક્સનમાં પાલિકા પ્રમુખે સ્થળ મુલાકત લીધી લોકોની સુખાકારી માટે લાઈન નાંખવામાં આવતી હોવાનું પ્રમુખે જણાવ્યું વહેલી તકે કોઈ પણ અડચણ વિના કામગીરી પુરી કરી દેવાશે તેવી બાંહેધરી આપવામાં આવી હતી.
જુના ભરૂચમાં ચુનારવાડ વિસ્તારમાં કેટલાક સમયથી પાણીની સમસ્યા હતી, જેના પગલે નગરપાલિકા દ્વારા લલ્લુભાઇ ચકલાની મુખ્ય લાઈનમાંથી પાણીની પાઇપલાઇન ખેંચવામાં આવી રહી છે. ચકલા વિસ્તારના રહીશના જણાવ્યા અનુસાર લલ્લુભાઇ ચકલા વિસ્તારમાં આમેય પાણી ધીરુ આવે છે.
જો જુના બજારના 25 ઘરોના પાણીની પાઇપલાઇન ખેંચવામાં આવે તો ચકલા વિસ્તારની 7000 જેટલા ઘરોને અને આજુબાજુના વિસ્તારોમાં પાણીની સમસ્યા સર્જાય શકે છે જેને કારણે લલ્લુભાઈ ચકલા વિસ્તારના લોકો એકઠા થઈને શાંતિપૂર્વકનો વિરોધ નોંધાવીને વહેલી તકે સમસ્યાનું નિરાકરણ લાવવા માટે માંગણી કરી હતી. જે અંગે નગરપાલિકા પ્રમુખ તાત્કાલિક ધોરણે દોડતા થયા હતા અને સ્થળની મુલાકાત લઈને મામલાને શાંત કર્યો હતો.
