માંગરોળ તાલુકાના વાંકલ ખાતે કાર્યરત શ્રી.એન.ડી.દેસાઈ સાર્વજનિક હાઈસ્કૂલ ખાતે સરકારના આદેશ અને શિક્ષણ વિભાગના પરિપત્ર મુજબ કોરોના મહામારીની પરિસ્થિતિ માં 15/7/21 થી ધોરણ-12 ના વર્ગો ચાલુ કરવામાં આવ્યા હતા.
સરકારના આદેશ મુજબ 26/7/21 ના રોજથી ધો-9 થી 11 ના વર્ગો શરૂ કરવાના હતા. પરંતુ બોર્ડ દ્વારા ધો 10 ના રિપીટર અને પૃથ્થક ખાનગી વિદ્યાર્થીઓની પરીક્ષા એન.ડી.દેસાઈ હાઈસ્કૂલ ખાતે સેન્ટર આવેલું હોવાથી 27/7/21 ના રોજ પરીક્ષા પૂર્ણ થયા બાદ આજરોજથી ધો-9 થી 11 વર્ગો શરૂ કરવામાં આવ્યા છે. શાળાના આચાર્ય પારસ મોદીએ માહિતી આપતા જણાવ્યું કે જે વર્ગો શરૂ કરવામાં આવ્યા છે તેમાં વિદ્યાર્થી અને તેમના વાલીઓને સંમતિ સાથે બોલાવવામાં આવ્યા છે. તેમજ આરોગ્ય વિભાગની એસ.ઓ.પી.મુજબ તમામ તકેદારીઓ રાખવામાં આવી રહી છે.
વિનોદ મૈસુરિયા : વાંકલ
Advertisement
