અંકલેશ્વર નેશનલ હાઇવે પર અવારનવાર અકસ્માતના મોટા બનાવો સર્જાતા હોય છે જેને પગલે લોકો ગંભીર ઈજાથી પીડાય છે અથવા તેમના મૃત્યુ થઇ જતા હોય છે. તેવો જ એક બનાવ આજરોજ વહેલી સવારે અંકલેશ્વર નેશનલ હાઇવે નજીક થયો હતો.
બનાવ અંગે મળતી માહીતી અનુસાર અંકલેશ્વર હાઇવે નજીક હાઇવે ઉપર અને અંસાર માર્કેટ નજીક આવેલ સર્વિસ રોડ ઉપર એક હાઇવા ટ્રક કોઈ અગમ્ય કારણોસર પલ્ટી મારી જતા ચકચાર મચી જવા પામ્યો હતો. ટ્રક અચાનક જ પલ્ટી મારી જતા ટ્રકમાં રહેલ સામાન રસ્તા પર પડી ગયો હતો અને લોકોના ટોળેટોળાં ભેગા થઈ ગયા હતા.
Advertisement
સુરત તરફથી અંકલેશ્વર તરફ આવી રહેલી ટ્રક સર્વિસ રોડ પર પલ્ટી મારી ગઈ હતી જેમાં અકસ્માત દરમિયાન કોઈને જાણહાની પહોંચી ન હતી અને ડ્રાઇવરનો પણ આબાદ બચાવ કરવામાં આવ્યો હતો. અકસ્માતના પગલે ડ્રાઈવરને સામાન્ય ઈજાઓ પહોંચી હતી જેથી લોકોએ રાહતનો શ્વાસ લીધો હતો.
